Eýrazııa ulttyq ýnıversıtetiniń 20 ustazy úzdik oqytýshy atandy
ASTANA. QazAqparat - Jańa jyl merkesiniń qarsańynda Astanadaǵy L.N.gýmılev atyndaǵy Eýrazııa ulttyq ýnıversıtetiniń 20 oqytýshysy «JOO úzdik oqytýshysy - 2016» baıqaýynyń jeńimpazy atandy. Bul týraly ýnıversıtettiń baspasóz qyzmeti habarlady.
«L.N.Gýmılev atyndaǵy Eýrazııa ulttyq ýnıversıtetiniń 20 oqytýshysy respýblıkalyq «JOO úzdik oqytýshysy - 2016» baıqaýynyń jeńimpazy atandy. Bul baıqaýǵa elimizdiń júzge jýyq joǵary oqý ornynan 600-deı úmitker qatysty. Baǵy men baby qatar shapqan Eýrazııa ulttyq ýnıversıtetiniń úzdik oqytýshylaryn quttyqtaımyz!»,-delingen habarlamada.
Sondaı-aq onda «JOO úzdik oqytýshysy - 2016» jeńimpazdary endigi jerde memlekettik grant esebinen álemniń úzdik ýnıversıtetterinde taǵylymadan ótip, ózderiniń ǵylymı jobalaryn júzege asyra alatyndyǵy aıtylady.
«Jańa jyl qarsańynda biz áriptesterimizdi osynaý qýanyshymen quttyqtaı otyryp, jeńisterińiz jemisti bolýyn tileımiz!»,-deıdi ýnıversıtet ujymy.
