Eýrazııa ulttyq ýnıversıtetine zertteý ýnıversıteti mártebesi berildi

ASTANA. QazAqparat - ​QR Úkimetiniń 2022 jylǵy 21 qyrkúıektegi qaýlysymen L.N. Gýmılev atyndaǵy Eýrazııa ulttyq ýnıversıtetine zertteý ýnıversıteti mártebesi berilip, oqý ordasynyń 2022-2026 jyldarǵa arnalǵan damý baǵdarlamasy bekitildi, dep habarlaıdy QazAqparat.

QR Ǵylym jáne joǵary bilim mınıstri Saıasat Nurbektiń málimetinshe, ​endi atalǵan JOO el ekonomıkasynyń naqty sektoryna ýnıversıtet ǵylymynyń úlesin arttyrýy tıis.

«Ýnıversıtettiń ǵylymı ınfraqurylymyn keńeıtý aıasynda Abaı oblysynyń Kýrchatov qalasynda ornalasqan «ıAdrolyq tehnologııalar parki» AQ EUÝ-ǵa berildi. Bul Park mamandardy daıarlaý, ǵalymdardyń zertteýlerin júrgizý, ǵylymı ázirlemelerdi kommertsııalandyrý alańyna aınalady. Kásiporynda stýdentterge praktıkalyq daǵdylaryn jetildirýge jáne ǵylymı jumyspen aınalysýǵa múmkindik beriledi. Sonymen qatar bıyl EUÝ QS World University Rankings 2023 halyqaralyq reıtınginde álemniń úzdik 300 ýnıversıtetiniń qataryna enip, 277-shi orynǵa ıe boldy. Sońǵy úsh jylda ýnıversıtet bul reıtıngide 141 saty alǵa jyljydy», - dep jazdy áleýmettik jelidegi paraqshasynda mınıstr Saıasat Nurbek.

Foto: enu.kz