Eýrazııa ulttyq ýnıversıtetine oqýǵa túsken 3075 stýdenttiń 906-sy «Altyn belgi» ıegeri
ASTANA. 18 tamyz. QazAqparat - 2011-2012 oqý jylynda L.Gýmılev atyndaǵy Eýrazııa ulttyq ýnıversıteti qazaqstandyq JOO arasynda oqýǵa túsken grant ıegerleri men «Altyn belgi» ıegerleriniń sany boıynsha alǵash ret kósh bastady.
Grant ıegerleriniń oqý ornyn tańdaýy boıynsha ІІ orynda ál-Farabı atyndaǵy Qazaq ulttyq ýnıversıteti (2925), ІІІ orynda Q.Sátbaev atyndaǵy Qazaq ulttyq tehnıkalyq ýnıversıteti (2344), ІV orynda 2342 stýdentpen M.Áýezov atyndaǵy Ońtústik Qazaqstan memlekettik ýnıversıteti bolsa, V orynda 1165 stýdentpen Qaraǵandy memlekettik medıtsına ýnıversıteti.
Birinshi orynǵa shyǵyp otyrǵan Lev Gýmılev atyndaǵy Eýrazııa ulttyq ýnıversıtetin oqýǵa túsýshilerdiń 3075-i tańdaǵan. Onyń ishinde 906-sy «Altyn belgi» ıegeri, 132-si respýblıkalyq jáne halyqaralyq olımpıada jeńimpazdary. «Altyn belgi» ıegerleri men respýblıkalyq jáne halyqaralyq olımpıada jeńimpazdarynyń basym bóligi L.N.Gýmılev atyndaǵy EUÝ-diń zań, ekonomıka, fızıka-tehnıka jáne fılologııa fakýltetteriniń stýdenti atandy.
Ótken 2010-2011 oqý jylynda L.N.Gýmılev atyndaǵy EUÝ-ge memlekettik bilim grantyn ıelengen 2116 talapker oqýǵa qabyldanǵan bolatyn. Onyń 610-y «Altyn belgi» ıegeri, 130-y respýblıkalyq jáne halyqaralyq olımpıada jeńimpazdary bolǵan edi. Osy eki jyldyq kórsetkishterdi salystyrar bolsaq, jyl ótken saıyn Eýrazııa ulttyq ýnıversıtetine tańdaý jasaıtyn talapkerler kórsetkishi aıtarlyqtaı joǵarylap otyr.
