Eýrazııa ulttyq ýnıversıtetinde Sot bıligi zalynyń saltanatty ashylý rásimi bolady

Bıyl Elbasy Nursultan Nazarbaevtyń Qazaqstannyń 2010-2020 jyldarǵa arnalǵan Quqyqtyq saıasat tujyrymdasyna qol qoıyp, bekitken bolatyn. Osyǵan oraı elimizde sot júıesin jetildirý jáne osy salada kásibı mamandardy daıarlaý jumystary jańasha deńgeıge kóterilip, memlekettik organdar men joǵary oqý oryndarynda atalǵan máseleler qyzý talqylanýda. Eýrazııa ulttyq ýnıversıteti búginde osy baǵyttaǵy ıgi bastamalardyń kósh basynda keledi. Sebebi munda Qazaqstannyń Quqyqtyq saıasat tujyrymdasyn damytý, jas mamandardy daıarlaý jáne sot júıesin jetildirý máselelerine arnalǵan san alýan is-sharalar únemi ótkizilip keledi. Endi, Astanada ótetin Qazaqstan Respýblıkasy sýdıalarynyń V Sezi jáne QR Prezıdenti Nursultan Nazarbaevtyń otandyq sot júıesin damytý boıynsha bergen tapsyrmalary aıasynda Eýrazııa ulttyq ýnıversıtetinde Sot bıligi zaly ashylǵaly otyr. Bul jerde ýnıversıtette oqıtyn jas zańger mamandardyń teorııalyq-praktıkalyq tájirıbelerin shyńdaý maqsatynda sot otyrystaryn ótkizý josparlanyp otyr. Sondaı-aq bul jerde elimizge belgili zańger ǵalymdardyń dáristerin uıymdastyrý kózdelgen. Atalǵan is-sharaǵa QR Joǵary sotynyń tóraǵasy M.Álimbekov, QR Konstıtýtsııalyq keńesi jáne taǵy basqa memlekettik organdardyń ókilderi qatysady.