Eýrazııa ulttyq ýnıversıtetinde Oljas Súleımenov dáris oqydy
Bul kezdesýdi ashqan QR UǴA korrespondent múshesi, tarıh ǵylymdarynyń doktory, EUÝ rektory Erlan Sydyqov: «Tuńǵysh Prezıdent kúninen keıin ýnıversıtetimizde Táýelsizdik kúni merekesine arnalǵan is-sharalar Oljas Omarulynyń dárisimen bastalyp otyr. Oljas Súleımenov - aqyn, oıshyl, ǵalym, saıasatker. Ol ádebıetke erekshe daýyspen endi. Onyń shyǵarmalary áý bastan-aq ulttyq ádebı qubylystarǵa toly boldy, sonymen qatar sóz qadirin túsiner jurttyń kóńilinen shyqty jáne búginge deıin sol deńgeıin joǵaltqan joq», - deı kelip, sóz tizginin aqynǵa berdi. Aqyn áńgimesin poezııadan emes, dáris oqýdan bastady.
-Biz úshin búgin tarıhı kún, biz úshin Oljas Súleımenovpen kezdesip, dárisin tyńdaý úlken baqyt,- dedi kezdesýde sóz alǵan Eýrazııa ulttyq ýnıversıtetiniń stýdentteri. Sóz arasynda keshtiń júrgizýshisi, pýblıtsıst-ǵalym Ǵadilbek Shalahmetov te Oljastyń sonaý «Jas tulpar» uıymynda júrgen kezderi men odan keıingi ómir joldarynan syr shertip qana qoımaı, onyń óleńderi qazaq halqynyń talaı ǵasyrlyq muńy men qýanyshyn, syry men sıpatyn aıǵaqtaıtynyn, aqynnyń jyryn oqyp otyryp bir ulttyń san ǵasyrlyq salıhaly tarıhyn aralaǵandaı bolatynyńyzdy, nemese Semeı ıadrolyq synaq polıgonyn jabýdaǵy sińirgen eńbegi jaıly jan-jaqty jetkizdi.
Oljas tiltanýshy retinde kóne túrki tilin zerttedi, ásirese shýmerler jáne shýmer tili týraly eńbekteri batys ǵalymdarynyń kóne til úndi-eýropa tilderinen bastaý alady deıtin qasań teorııasyna pármendi soqqy berdi.
Aqyn ótkizgen dáristiń 1975 jyly jaryq kórgen «Az ı ıA», jazý men tańbanyń tarıhy týraly «1001 sóz», «Jazý tili», «Tarıhqa deıingi túrkiler», tipti Qazaqstannyń ishki jáne syrtqy saıasaty men ıÝNESKO jaıly tálimi mol boldy.
Qazaqstan Lenın komsomoly syılyǵy, Búkilodaqtyq Lenın komsomoly syılyǵy, Qazaq KSR memlekettik syılyǵy, Qazaqstannyń Halyq jazýshysy ataǵy, Táýelsiz «Tarlan» syılyǵynyń ıegerinen dáris tyńdaǵan stýdentter júrekterine ot tutana kelip, Oljas aǵalarynyń óleńin alma- kezek oqydy. «Tulpardyń dúbiri jatqan qulyndy oıatady» degendeı, Oljas Omaruly da «sabaqtyń» ýaqyty bitip qalǵanyna qaramastan, saǵynyp qalǵan oqyrmandaryna jyr arnady, dep habarlaıdy ýnıversıtettiń baspasóz qyzmetinen.