Eýrazııa ulttyq ýnıversıtetinde Naýryz meıramyna arnalǵan merekelik is-sharalar jalǵasýda
ASTANA. Sáýirdiń 3-i. QazAqparat /Arman Asqarov/ - Astanadaǵy Lev Gýmılev atyndaǵy Eýrazııa ulttyq ýnıversıtetinde Ulystyń uly kúni - Naýryz meıramyna arnalǵan merekelik is-sharalar jalǵasýda, dep habarlaıdy QazAqparat.
Naýryz merekesi bastalǵan kúni ýnıversıtetke qarasty 11 fakýltettiń arasynda arnaıy baıqaý jarııalanǵan bolatyn. Ýnıversıtet basshylyǵynyń Naýryz meıramyn bir aı boıy toılaýǵa baılanysty ıgi bastamasy aıasynda fakýltetter men áskerı kafedra qyzmetkerleri halqymyzdyń salt-dástúri men ádet-ǵuryptaryna arnalǵan is-sharalardy, sondaı-aq merekelik kontsertterdi uıymdastyrýda. Al ýnıversıtettiń arnaıy komıssııasy osy jumystarǵa baǵa berip, bir aıdan keıin óz sheshimin shyǵarmaq. Jeńimpazdarǵa baǵaly syılyqtardy saltanatty túrde tapsyrý josparlanyp otyr.
