Eýrazııa ulttyq ýnıversıtetinde «Kúltegin - 2010» merekelik onkúndigin qorytyndylaýǵa arnalǵan gala-kontsert ótedi

Bul aqparatty atalǵan oqý ornynyń baspasóz ortalyǵy taratyp otyr.

«Búgingi tańda halqymyzdyń mádenı muralaryn qasterlep, rýhanı qundylyqtaryn zerdeleý turǵysynda Elbasy Nursultan Nazarbaevtyń bastamasymen qolǵa alynǵan «Mádenı mura» baǵdarlamasynyń el ómirinde alar orny zor. Osy baǵdarlama aıasynda Eýrazııa ulttyq ýnıversıtetinde Prezıdenttiń qatysýymen ashylǵan Kúltegin eskertkishi halqymyzdyń túrki dáýirindegi tarıhyn zerttep-zerdeleýge múmkindik berdi. Búginde atalǵan tarıhı jádigerge qashalyp jazylǵan Kúltegin batyrdyń erlik baıany ýnıversıtette bilim alyp júrgen stýdent-jastar úshin patrıotızmniń jarqyn úlgisine aınaldy. Sol sebepti Eýrazııa ulttyq ýnıversıteti qurylǵan kún «Kúltegin kúni» dep ataldy. Al osy meıram aıasynda ótkiziletin mádenı-qoǵamdyq is-sharalar jastardy patrıottyq rýhta tárbıeleýdi kózdeıdi», delingen baspasóz baıanynda.

Іs-shara aıasynda alǵash ret ýnıversıtet stýdentteri arasyndaǵy «Er jigit - 2010» baıqaýy ótkiziledi. Baıqaý barysynda qatysýshylar halqymyzdyń batyr tulǵalaryn somdap, óleń-jyr joldarymen ózderin tanystyratyn bolady. Sondaı-aq sporttyq saıystar kezinde quralaıdy kózden atqan jigitter sadaq atyp, kir tasyn kóterýden kúsh synaspaq. Al dúbirli dodanyń sońǵy básekelerinde óz ónerlerin ortaǵa salmaq.

Sondaı-aq «Kúltegin-2010» merekelik onkúndigi kezinde anyqtalǵan «Eýrazııa juldyzy», «Eýrazııa maqtanyshy» jáne «Eýrazııa bolashaǵy» baıqaýlarynyń jeńimpazdary marapattalady. Kontsertke belgili estrada juldyzdary - Mádına Sádýaqasova, Qydyráli Bolmanov, Qaraqat Ábildına jáne «Ulytaý» toby qatysady dep kútilýde.