Eýrazııa ulttyq ýnıversıtetinde «Ashyq esik kúni» is-sharasy ótti
ASTANA. Sáýirdiń 3-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde mektep túlekterine arnalǵan «Ashyq esik kúni» is-sharasy ótti, dep habarlaıdy QazAqparat.
Іs-sharanyń resmı bóliminde sóz sóılegen ýnıversıtet rektory Baqytjan Ábdiraıym atap kórsetkendeı, búgingi tańda elimizdiń irgeli joǵary oqý orny bolyp tabylatyn Eýrazııa ulttyq ýnıversıtetinde «Altyn belgi» ıegerleri sııaqty daryndy jastardyń 70 paıyzy bilim alýda. «Shynyn aıtý kerek, ótken jyly bizdiń ýnıversıtetimizge 409 «Altyn belgi» ıegerleri oqýǵa tústi. Olardyń 10-yna memlekettik tapsyrys aıasynda bólingen bilim berý granty jetpeı qalǵan. Oǵan qaramastan, biz ýnıversıtettiń jeke granttaryn taǵaıyndap, osy túlekterdi oqýǵa qabyldadyq. Sondyqtan bizge bilim izdep kelgen barlyq jastarǵa esik ashyq!», - dedi óz sózinde ýnıversıtet basshysy B.Ábdiraıym.
