Eýrazııa ulttyq ýnıversıteti TMD syılyǵyn ıelendi
L.N.Gýmılev atyndaǵy Eýrazııa ulttyq ýnıversıteti «Qyzmet kórsetý» atalymy boıynsha Qazaqstan Respýblıkasyndaǵy joǵary sapaly bilim berýde 2013 jylǵy qyzmet kórsetý jáne ónim sapasy jónindegi tabystary úshin Táýelsiz Memleketter Dostastyǵy syılyǵynyń laýreaty atandy.
Jeńimpazdardy Ázirbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan, Túrkimenstan, Ýkraına sekildi TMD elderiniń on bir memleketi anyqtady.
Táýelsiz Memleketter Dostastyǵy elderiniń qyzmet kórsetý jáne ónim sapasy jónindegi syılyǵy baıqaýy eki jylda bir ret konkýrstyq negizde ótkiziledi, onyń ishinen birneshe márte saraptaýdan, úzdikter arasyndaǵy súzgiden ótkender ǵana marapattalady. Bul joly osyndaı joǵary marapatqa Eýrazııa ulttyq ýnıversıteti ıe bolyp otyr.
TMD elderi syılyǵy uıymǵa múshe memleketterdiń óndiris oryndary óndiretin ónimder men joǵary oqý oryndaryndaǵy bilim berý sapasyn baǵalaý úshin uıymdastyrylyp keledi.
