Eýrazııa Ulttyq ýnıversıteti óziniń 20 jyldyǵyn merekeleýde
ASTANA. QazAqparat - L.N. Gýmılev atyndaǵy Eýrazııa ulttyq ýnıversıteti - Qazaqstannyń úzdik kópbeıindi ýnıversıtetteriniń biri - bıyl 20 jyldyǵyn merekeleýde. Atalǵan joǵary oqý orny 1996 jyly 23 mamyrda eki JOO-ny - Tselınograd ınjenerlik-qurylys ınstıtýty (TsIQI) men Tselınograd pedagogıkalyq ınstıtýtyn biriktirýdiń negizinde quryldy, dep habarlady astana.gov.kz.
EUÝ 20 jyldyǵyna oraı, Tselınograd memlekettik pedagogıkalyq ınstıtýty (TsMPI) men EUÝ túlekteriniń, oqytýshylary men qyzmetkerleriniń kezdesýin ótkizdi.
Merekelik sharaǵa jınalǵandardyń nazaryna merekelik kontsert, derekti fılm usynyldy. Túlekter men TsMPI sońǵy rektory Amangeldi Qusaıynov sóz sóıledi. Kesh barysynda bilim ordasynyń úzdik túlekteri marapattaldy.
Sonymen qatar, mereıtoıdy atap ótý aıasynda EUÝ, TsMPI pen TsIQI túlekteri úshin ashyq esik kúni ótkizilip, burynǵy stýdentter ýnıversıtettiń barlyq korpýstaryn, mýzeıler men stýdentterdiń úılerin aralady. Budan basqa, ýnıversıtette «Qalyptasý men damýdyń 20 jyly» fotokórmesi ashyldy.
Eske salaıyq, Tselınograd memlekettik pedagogıkalyq ınstıtýty 1962 jyly ashylǵan. Tselınograd ınjenerlik-qurylys ınstıtýty Qazaqstan Kompartııasynyń OK men Qazaq KSR Keńesiniń 1964 jylǵy 29 mamyrdaǵy qaýlysynyń negizinde qurylǵan.
