Eýrazııa ulttyq ýnıversıteti ǵımaratynda tehnıkalyq bólmeden tútin shyqty
ASTANA. QazAqparat - L.N. Gýmılev atyndaǵy Eýrazııa ulttyq ýnıversıteti ǵımaratynda tehnıkalyq bólmedegi tútinnen eshkim zardap shekken joq. Bul týraly osy oqý ornynyń baspasóz qyzmetine silteme jasap QazAqparat tilshisi habarlady.
«Búgin tańǵy saǵat 7:00 kezinde Eýrazııa ulttyq ýnıversıtetiniń Sáýlet fakýltetiniń ǵımaratynyń tehnıkalyq bólmesinde tútin shyqty. Sol ýaqytta dabyl belgisi soǵylyp, oqıǵa ornyna dereý órt sóndirý qyzmeti jetti. Kóp uzamaı órt sóndirýshiler tútin shyqqan tetikti anyqtap, óshirdi», - dedi baspasóz qyzmetiniń ókilderi.
Osy rette joǵary oqý ornynyń ókilderi stýdentterdiń sabaǵy saǵat 8:00 kezinde bastalatynyn, osy rette tehnıkalyq bólmede tútin shyqqan ýaqytta ǵımaratta stýdentter bolmaǵanyn atap ótti. Bul oqıǵa saldarynan eshkim de zardap shekpegen. Degenmen de TJD qyzmetkerleri ǵımarattaǵy tıisti tekserý sharalaryna baılanysty stýdentterdiń sabaǵyn keıinge shegerýge nusqaý bergen kórinedi.
Qazirgi ýaqytta ýnıversıtettiń qalǵan ǵımarattarynda qalypty tártipte jumys istep jatyr.
