Eýrazııa ulttyq ýnıversıteti álemniń 20 myń joǵary oqý oryndary arasyndaǵy reıtıngte 4082-shi orynǵa ıe boldy

dep habarlady bilim ordasynyń baspasóz ortalyǵynan.

Jaqynda, 30 shilde kúni Webometrics jańa reıtıngtiń qorytyndysyn jarııalady. L.N.Gýmılev atyndaǵy EUÝ álemniń 20 myń JOO-ny arasynda ótken reıtıngte 12 myń pozıtsııa boıynsha 4082-shi orynǵa ıe boldy. 2011 jyldyń shilde aıynda ótkizilgen reıtıngte EUÝ - Webometrics málimetteri boıynsha, elimizdegi JOO-y arasynda mundaı orynǵa ıe bolǵan jalǵyz ýnıversıtet. 4 601 pozıtsııada Qazaqstan menedjment, ekonomıka jáne boljaý ınstıtýty, al E.Bóketov atyndaǵy Qaraǵandy memlekettik ýnıversıteti 4 897 orynda», - delingen baspasóz aqparatynda.

Webometrics ýnıversıtet saıttarynyń reıtıngin «Laboratorio de Internet» atty ıspandyq zertteý toby júrgizedi. Álemniń 20 myńnan astam JOO-ny arasynda ótken reıtıngte ýnıversıtettegi ǵalamtor jelisindegi ǵylymı jarııalanymdar, ár JOO ǵalymdarynyń zertteý eńbekteri, olarǵa jasalǵan silteme eskeriledi. Ýnıversıtettiń ǵylymı jáne ǵylymı-zertteý jumystarynyń nátıjesi jylyna eki márte qańtar jáne shilde aılarynda jarııalanyp turady.

Máselen, 2010 jyldyń shildesinde ótkizilgen reıtıng qorytyndysy boıynsha L.N.Gýmılev atyndaǵy EUÝ 7891-shi orynda bolsa, jarty jyl ótken kezde, ıaǵnı 2011 jyldyń qańtarynda 5 216-shy pozıtsııaǵa ıe boldy.

«Sonymen L.N.Gýmılev atyndaǵy EUÝ Qazaqstandaǵy bilim berý salasyndaǵy kóshbasshy ekenin taǵy bir márte dáleldedi. Bizdiń ýnıversıtetimiz QS World University Rankings reıtınginiń málimetine saı álemdegi eń úzdik 500 ýnıversıtet qatarynan kórinip qana qoımaı, álemniń 20 myń JOO-ny arasynda ótken reıtıngte 12 myń pozıtsııa boıynsha 4082-shi orynǵa ıe bolyp, reıtıng qorytyndysy jańalanǵan saıyn joǵary satyǵa kóterilip keledi. Bul - álemdik ǵylymı qaýymdastyq bergen joǵary baǵa, L.N.Gýmılev atyndaǵy EUÝ ǵalymdary eńbeginiń jemisi, oqytýshylar men stýdentter tókken terdiń elengeni», - delingen baspasóz habarlamasynda.