Eýrazııa transfýzıologtary Astanada bas qosady
ASTANA. QazAqparat - Astanada «Qannyń tegin donorlyǵyn damytýdyń ózekti máseleleri» atty ІІІ Eýrazııalyq kongres ótedi, dep habarlaıdy «QazAqparat» HAA tilshisi.
«Transfýzıologtardyń ІІІ Eýrazııalyq kongresi 2018 jyldyń aıtýly oqıǵalarynyń biri bolǵaly tur. Meniń oıymsha, bul shara qazirgi tańda álemdegi transfýzıologııanyń barlyq ozyq ádisterin almasýǵa múmkindik berer degen senimdemiz», - deıdi QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy Jandarbek Bekshın OKQ-da ótken baspasóz máslıhatynda.
Komıtet tóraǵasy óz sózinde otandyq qan qyzmetiniń aldyna qoıylǵan negizgi mindet - tegin qan donorlyǵy bolyp otyrǵanyn tilge tıek etti.
«Keleshekte Búkilálemdik densaýlyq saqtaý uıymy donorlyqtyń qaıtarymsyz bolýyn kózdep otyr. Bul álbette qan men onyń komponetteriniń sapasy men qaýipsizdigin arttyra túsedi», - dedi ol.
Qazaqstanda mundaı aýqymdaǵy Kongres tuńǵysh ret ótkizilgeli otyr. Bul shara arqyly álemdik medıtsınalyq birlestikterdiń aldynda Qazaqstannyń abyroıyn arttyrý kózdelgen. Kongresti ótkizý arqyly Qazaqstandy jańa tehnologııalardy engizip kele jatqan áleýmettik memleket retinde tanytý josparlanǵan.
Al Ulttyq-óndiristik ortalyq dırektorynyń orynbasary Shaıjamal Musabekovanyń aıtýyna qaraǵanda, Qazaqstanda 18 qan ortalyǵy jumys isteýde. Olardyń barlyǵy respýblıka boıynsha ornalasqan 200-ge tarta qan ortalyǵy qyzmetin biriktirgen.
Kongres osy ýaqytqa deıin Belarýste jáne Máskeýde ótken. Halyqaralyq dárejejegi mundaı shara 2 jylda 1 márte uıymdastyrylyp turady.
