«Eýrazııa» telearnasynyń jańa basshysy taǵaıyndaldy
ASTANA. 2 tamyz. QazAqparat - Sergeı Kıselev «Eýrazııa+ORT» telearnasynyń dırektory bolyp taǵaıyndaldy.
Bul týraly atalmysh telearnanyń baspasóz qyzmetinen habarlady.
Arnanyń burynǵy basshysy Lázzat Júnisova osy ýaqytqa deıin, «Eýrazııa+ORT» JShS-niń Bas dırektory jáne «Qazaqstan» RTRK AQ Basqarma tóraǵasynyń birinshi orynbasary qyzmetin birge atqaryp kelgen bolatyn.
Sergeı Vladımırovıch Kıselev «Ádilet» Joǵarǵy quqyq mektebiniń túlegi. 2003 jyldan Quqyqtyq mádenıet qalyptastyrý qorynyń dırektory, 2003-2004 jyldary Almaty qalalyq máslıhatynyń depýtaty, 2003-2006 jyldary «Asar» partııasy tóraǵasynyń orynbasary qyzmetterin atqardy. 2004-2007 QR Parlamenti Májilisiniń depýtaty, 2006-2007 jyldary «Nur Otan» HDP keńesiniń múshesi. 2007 jyldan 2010 jylǵa deıin «Eýrazııa+ORT» JShS Bas dırektory bolyp qyzmet atqarǵan.
