Eýrazııa tehnologııalyq ýnıversıteti talapkerlerge qosymsha 200 bilim grantyn bólmekshi
ASTANA. KAZINFORM — Eýrazııa tehnologııalyq ýnıversıteti oqýda joǵary jetistikterdi kórsetken talantty talapkerler úshin 200 bilim berý grantyn berý baǵdarlamasynyń iske qosylǵany týraly qýana habarlady.
Bul bastama kelesi pánder boıynsha Ulttyq biryńǵaı testileýde (UBT) keminde 100 ball jınaǵan stýdentterdi qoldaýǵa baǵyttalǵan:
• Geografııa jáne matematıka
• Geografııa jáne aǵylshyn tili
* Informatıka jáne matematıka
* Dúnıejúzilik tarıh jáne quqyq negizderi
* Sán jáne dızaın baǵytyndaǵy shyǵarmashylyq emtıhandar
Osy baǵdarlama aıasynda Eýrazııa tehnologııalyq ýnıversıteti úzdik stýdentterdi yntalandyrýǵa jáne olarǵa óńirdiń jetekshi joǵary oqý oryndarynyń birinde sapaly bilim alýǵa múmkindik berýge umtylady.
Bilim berý granttarynan basqa, ýnıversıtet negizgi UBT-da 70 balldan jınaǵan talapkerler úshin 50% - ǵa deıin jeńildikter usynady, - delingen habarlamada.
