«Eýrazııa taýar júıesiniń eń úzdik jeke ınvestory - 2011» baıqaýy jarııalandy
MATY. 13 qyrkúıek. QazAqparat /Ádilet Musahaev/ - «Eýrazııa taýar júıesiniń eń úzdik jeke ınvestory - 2011» baıqaýy jarııalandy. Bul jaıynda Qazaqstandaǵy taýar bırja naryǵynyń damý máselelerine arnalǵan baspasóz máslıhatynda ETJ Basqarma Tóraǵasynyń orynbasary Álı Mamedov aıtty.
Á.Mamedov málimdegendeı, baıqaýdyń negizgi maqsaty - jeke ınvestorlar jedel naryqtyń quraldarymen sheberlikpen jumys jasaı otyryp qandaı tabysqa qol jetkizetinin qoǵamǵa kórsetý. Baıqaýdyń negizgi sanattary men atalymy «Tabystylyq», «Tabys», «2011 jyldyń eń belsendi treıderi» jáne «2011 jyldyń eń úzdik bıdaı treıderi».
«ETJ-nyń eń úzdik jeke ınvestory - 2011» ataǵyn jáne 500 myń teńge kólemindegi aqshalaı syılyq baıqaýdy ótkizý kezeńinde júrgizilgen operatsııalardan barynsha joǵary tabys tapqan baıqaý qatysýshysyna tapsyrylatyn bolady», -deıdi Á.Mamedov.
Baspasóz májilisiniń qatysýshylary ETJ taýar bırjasyna jeke ınvestorlardy tartý maqsatynda turaqty negizde túrli baǵdarlamalar ótkizilip turatyndyǵyn atap ótti. Aǵymdaǵy jyldyń tamyz aıynda ınvestorlardyń fıýchersterdi saýdalaý kezinde demo-shottardan naqty shottarǵa shyǵýy boıynsha Qazaqstan naryǵy úshin biregeı joba támamdalǵan. Bul jobany ETJ men Jeke ınvestorlar klýby birlese otyryp ótkizgen.
Jıyn barysynda sonymen qatar ETJ-nyń bıyl endirgen jasyryn bırja aýktsıony, mamandandyrylǵan bırja aýktsıony, bıdaıǵa qatysty standartty eksport kelisim-sharty iske qosylǵandyǵy aıtyldy.
ETJ Basqarma Tóraǵasynyń orynbasary atap ótkendeı, jasyryn bırja aýktsıony bul saýdanyń jańa tártibi bolyp tabylady. Ol jetkizýshi men satyp alýshyny tikeleı baılanystyryp, taýardyń naryqtaǵy baǵasyna qol jetkizýge jáne túrli deldaldardyń qajetsiz tizbegin alyp tastaýǵa múmkindik beredi. «Jasyryn saýdanyń nátıjesinde biz saýda kezinde qalyptasqan naryq jaǵdaıyna jaýap beretin ádil ári shynaıy baǵany alatyn bolamyz. ETJ bırjasynyń jasalynǵan barlyq kelisim-sharttardyń oryndalýyna kepildik berýi saýdanyń atalǵan túriniń negizgi ereksheligi bolyp tabylady», - dep túsindirip ótti ol. Onyń sózine qaraǵanda, jasyryn aýktsıon bir jaǵynan, iri kásiporyndarǵa óz ónimderin tikeleı tutynýshylarǵa satýǵa múmkindik beretin bolsa, ekinshi jaǵynan, tutynýshylar tıisti sapaǵa ıe taýardyń óz ýaqytysynda jetkizilýine kepildik alady.
