Eýrazııa saýda bırjasynyń jedel naryqtaǵy kúndizgi sessııasy kotırovkalardyń tómendeýimen jabyldy
ALMATY. Sáýirdiń 7-ci. QazAqparat /Erlik Erjanuly/ - Búgin Almatyda «Eýrazııa saýda júıesi» taýar bırjasynda jedel naryq sektsııasynda kezekti saýda-sattyqtar jasaldy,
dep habarlaıdy QazAqparat bırjanyń baspasóz qyzmetine silteme jasap.
Onda 3-4 synypty astyqty jetkizýshilerdiń sáýir-maýsym aılaryndaǵy fıýcherstik kelisimsharttarynyń saýdasy ótti. 3-shi sortty astyqta sáýirdegi fıýchersterdiń baǵasy seısenbige qaraǵanda 710 teńgege nemese 4,9 paıyzǵa tómendedi. Keshe onyń eseptik baǵasy 1 tonnaǵa 13 myń 840 teńgeni quraǵan edi. Mamyrdaǵy fıýcherster kerisinshe 620 teńgege nemese 4,2 paıyzǵa ósti. Ótken jolǵy kúndizgi saýdamen salystyrǵanda ol tonnasyna 14 myń 60 teńgeden bolyp otyr. Maýsymdyq fıýcherstiń kotırovkasy da 620 teńgege nemese 4,2 paıyzǵa ulǵaıyp, sońǵy derektermen salystyrǵanda ár tonnaǵa 14 myń 60 teńgeni qurady. Al 4-shi sortty astyqta sáýirdegi fıýchers 620 teńgege arzandap (4,2 paıyz), tonna úshin 12 410 teńge boldy. Sondaı-aq mamyrdaǵy fıýcherstiń kotırovkasy da 430 teńgege tómendep (3,5 paıyz), tonnaǵa 11 750 teńgeni, maýsymdaǵy fıýchers bolsa 200 teńgege kemip (1,6 paıyz), tonna úshin 11950 teńgeni qurady.
