«Eýrazııa» saqtandyrý kompanııasy Úndistanda joǵalyp ketken pılotsyz ushý apparaty úshin 200 mln. teńge tólemek

Bul týraly kompanııanyń baspasóz qyzmeti málim etti. Saqtandyrý jaǵdaıyn baǵalaýshylar eki ushaqty qalpyna keltirýge úndi valıýtasymen 70 000 000 rýpıı jumsalady dep tapty.

2014 jyldyń 16 sáýirinde Úndistan áýe keńistiginde 2 pılotsyz basqarylatyn «Lakshya PTA» ushý apparaty joǵalyp ketken bolatyn.

Tehnıkany synaý kezinde ushaqtardyń biri teńiz jaǵdaıynyń qıyndyǵyna tótep bere almaı, kózden ǵaıyp bolsa, ekinshi apparattyń basqarý júıesi isten shyǵyp, dittegen bıiktikke kóterile almady. Sonyń nátıjesinde tehnıka ashyq teńizge qulap ketken bolatyn.

Qazir mamandar oqıǵanyń saldaryn tekserýde.

Pılotsyz ushý apparattary Úndistannyń áýe kúshterind 2000 jyldan beri qoldanylyp keledi. Alǵashqy ushý 1985 jyly ótti.