Eýrazııa saqtandyrý kompanııasy qaıta saqtandyrýdaǵy qazaqstandyq qamtýdy ulǵaıtý týraly bastamany qoldaıdy
ALMATY. 18 qarasha. QazAqparat /Erlik Erjanuly/ - Eýrazııa saqtandyrý kompanııasy qaıta saqtandyrýdaǵy qazaqstandyq qamtýdy ulǵaıtý týraly bastamany qoldaıdy. Bul týraly búgin "Eýrazııa" saqtandyrý kompanııasy" AQ-nyń Almatydaǵy alǵashqy qazaqstandyq press-týrynda kompanııanyń Qaıta saqtandyrý departamentiniń dırektory Samat Qabdolov osylaı atty.
"Qazir kompanııalardyń kóbi qaıta saqtandyrýda táýekeldi shet elge bergendikten onda qazaqstandyq qamtý óte az. Sońǵy kezde jańa zań jobasy ázirlenip jatyr. Syıaqynyń úlken bóligin Qazaqstanda qaldyryp, qazaqstandyq qamtýdy kóterý týraly. Biz bul jobany tolyq qoldap, jumys tobyna da kirip otyrmyz", - deıdi S. qabdolov.
Onyń aıtýynsha, polıs berýmen ǵana aınalysý durys emes. Qaıta saqtandyrý táýekelin elde qaldyrý arqyly syıaqyny kompanııany damytýǵa jumsaý qajet. Qazaqstanda saqtandyrý naryǵyn damytý úshin mádenıetti kóterý kerek.
"Eýrazııa" SK" AQ Basqarma tóraǵasynyń orynbasary Nazym Týlchınskııdiń sózine qaraǵanda, eger Qazaqstandaǵy saqtandyrý naryǵy damıtyn bolsa, syrt elderden de saqtandyrýshylar keletin bolady. Máselen, Grýzııa-Reseı arasynda kompanııalar bir-birimen tikeleı jumys isteı almaı otyr. Qazaqstan olarmen táýekeldi bólisýge múmkindigi bar. Qazir qaıta saqtandyrýda shetelden keletin qarajattyń 99 paıyzy Eýrazııa saqtandyrý kompanııasnyń úlesinde. Jalpy Qazaqstandy qaıta saqtandyrý naryǵynda táýekel alańyna aınaldyrýǵa qolaıly jaǵdaılar óte mol.
