Eýrazııa kýbogynyń bas júldesin Tájikstan shahmatshysy ıelendi (FOTO)
ALMATY. QazAqparat - Almatyda blıts shahmattan Qazaqstan Respýblıkasy Prezıdentiniń Eýrazııa Kýbogy halyqaralyq týrnıri aıaqtaldy. Oǵan 30 elden 100-ge jýyq shahmatshy qatysty. Jarystyń júlde qory - 100 myń AQSh dollary.
Budan keıin Halyqaralyq shahmat federatsııasynyń (FIDE) prezıdenti Kırsan Ilıýmjınov sóz sóıledi.
Jarys qorytyndysy boıynsha Eýrazııa kýbogynyń altyn medali men 30 myń dollar bas júldesin 16 upaı jınaǵan Ortalyq Azııa kýboginiń kúmis júldegeri Farrýh Amonatov (Tájikstan) ıelendi.
Ekinshi orynda (16 upaı) - Eýropa chempıony 25 jastaǵy ıAn Nepomnıaşıı (Reseı). Oǵan 20 myń dollar syıaqy berildi. Jarystyń qola medali men 14 myń dollardy eliniń eki dúrkin chempıony jáne olımpıadaǵa bes márte qatysqan Baadýra Djobavy (Grýzııa) aldy. Onyń qorjynda 15.5 upaı.
Týrnırdiń úzdik qazaqstandyq shahmatshy atanǵandar - Rınat Jumabaev (13.5 upaı) jáne Gúlishan Naqbaeva (11).Olardy Qazaqstan shahmat federatsııasy 1 myń dollar kóleminde aqshalaı syıaqymen marapattady.
Jarysqa álemniń áıelder arasyndaǵy búgingi kúnniń chempıony Hoý Ifan (Qytaı) alǵash márte keldi. Kýboktyń qurmetti qonaqtarynyń arasynda álemniń birneshe márte chempıony Alekseı Karpov ta bar.
Týrnır qatysýshylarynyń qatarynda ıAn Nepomnıaşıı (Eýropa chempıony), Aleksandr Grışýk (álemniń blıts shahmattan úsh dúrkin chempıony) jáne Petr Svıdler (álem Kýbogynyń ıegeri, barlyǵy da reseılik), Van Hao (Qytaı chempıony), Borıs Gelfand (álem Kýbogynyń ıegeri, Izraıl), Le Kýang Lem (blıtsten álem chempony, Vetnam) jáne Shahrııar Mamedıarov (Eýropanyń eki márte chempıony, shapshań shahmattan álem chempıona, Ázerbaıjan) sekildi tanymal shahmatshylar bar.
Kýbokty uıymdastyrýshylar - Qazaqstan shahmat federatsııasy jáne Akademık Shahmardan Esenov atyndaǵy ǵylymı-bilim berý qory. Kýbok Halyqaralyq shahmat federatsııasy (FIDE), Qazaqstannyń sport jáne mádenıet mınıstrligi men Almaty qalasy ákimdiginiń qoldaýymen ótti.
