«Eýrazııa kýbogy»: Alǵash ret Astanada ıÝrmala festıvaliniń analogy ótedi
ASTANA. QazAqparat - KVN oıynynyń jańa formaty - Astanada alǵash ret elordanyń týǵan kúnine oraı «Eýrazııa kýbogy» festıvali ótedi, dep habarlaıdy QazAqparat Astana qalasynyń mádenıet jáne sport basqarmasyna silteme jasap.
AMıK-tiń aýqymdy jobalarynyń biri ázil-syqaq merekesine aınalmaq. Festıvalge KVN joǵary lıgasyna qatysýshy 7 komanda jáne bıyl Qazaqstannyń atynan kóńildiler jáne tapqyrlar klýbynyń Premer-lıgasyna qatysyp otyrǵan «Sbornaıa Korgaljıno» komandasy qatysady. Kesh júrgizýshisi kishi Aleksandr Maslıakov.
Ázil keshinde KVN-nyń úzdik komandalary básekege túsedi: Joǵary lıganyń úsh dúrkin chempıony - «RÝDN», Joǵary lıganyń 2016 jylǵy chempıony - «Azııa Mıks», Joǵary lıganyń 2014 jylǵy jeńimpazdary - túmendik «Soıýz», Joǵary lıganyń fınalısteri - «Bortsy», «Raısy», «Plıýshkı» jáne «Rýsskaıa doroga» komandalary.
Shara barysynda Joǵary lıganyń ótken jylǵy jeńimpazy «Sparta Nomad» komandasy Astananyń namysyn qorǵaıdy.
«Eýrazııa kýbogynda» árbir komanda sahnaǵa eki márte shyǵady - «Sálemdesý» jáne «Trıatlon» konkýrstarynda, olar komanda kóshbasshylarynyń ázil-qaljyńdarynan, mýzykalyq nomerlerden jáne jattyǵýdan turady.
Festıval jeńimpazdaryn KVN oıyndarynyń turaqty tóreshisi ıÝlıı Gýsman jetekshilik etetin bilikti qazylar alqasy anyqtaıdy. KVN-nyń tóreshiler komandasyna sondaı-aq, reseılik mánerlep syrǵanaýshy, KVN-da qazylar alqasynda jıi bolatyn Alekseı ıAgýdın, «Kazahı» KVN komandasynyń kapıtany - Nurlan Qoıanbaev jáne basqa da belgili mádenıet qaıratkerleri endi.
Ezýińizge kúlki úıiretin kóńildi kesh 4 shildede «Barys Arena» muzaıdyn saraıynda ótedi. Bıletter www.topticket.kz saıtynda satylady.
Aıta keteıik, «Eýrazııa kýbogy» KVN oıynynyń translıatsııasy qyrkúıek aıynyń sońynda KVN-nyń resmı arnasynda jáne «Habar» telearnasynyń efırinde júrgiziledi.
