Eýrazııa qorynyń Orta Azııadaǵy ádilettik jónindegi zertteýi qorytylandy
ALMATY. 15 aqpan. QazAqparat /Erbol Turymbetov/ - Búgin Almatyda «Hyatt Regency Almaty» qonaq úıinde Orta Azııa Eýrazııa qorynyń «Bárine teń ádilettikke qol jetkizý» taqyrybynda dóńgelek ústeli ótip jatyr.
Onda Orta Azııa elderindegi ádilettikke teń qol jetkizý máseleleri talqylanýda. Fınlıandııa Syrtqy ister mınıstrliginiń yntasymen Orta Azııanyń Eýrazııa qory zertteý júrgizgen bolatyn. Onyń nátıjeleri boıynsha, zań máseleleriniń kóptigine qaramastan, Orta Azııa azamattary kómek izdep sotqa nemese polıtsııaǵa óte sırek shaǵymdanady. Kóp jaǵdaıda olar daýdyń ádiletti sheshilýinen úmittenbeıdi.
Fınlıandııa Álilet kantsleriniń orynbasary Mıkko Pýýmalaınenniń aıtýynsha, bul baǵdarlama Orta Azııa elderiniń azamttaryna jáne qoǵamnyń álsiz toptaryna ádilettikke qol jetkizýge múmkindik beredi degen senimde. «Fınlıandııa kezinde turaqsyzdyq kezeńin basynan ótkergen. Alaıda, biz demokratııalyq qurylymdar men ádilettikke teń qol jetkizýdi saqtap qaldyq. Osyǵan oraı, elimizdiń tájirıbesi Orta Azııa elderine paıdaly bolady dep úmittenemiz», - dedi M. Pýýmalaınen.
