«Eýrazııa» kınofestıvaliniń jeńimpazdary jarııalandy
ASTANA. QazAqparat - 6 shildede Astanadaǵy «Qazaqstan» Ortalyq kıno-kontsert zalynda XIV Halyqaralyq «Eýrazııa» Kınofestıvaliniń saltanatty jabylý rásimi ótti.
Gran-prıdi rejısser Marı Garel Vaıstyń (Frantsııa) «Saýyq keshi aıaqtaldy» fılmi aldy.
Úzdik rejısserlik jumys atalymynda Mılko Lazarovtyń «Aga» fılmi (Bolgarııa, Germanııa, Frantsııa) ozdy.
Qazylar alqasynyń arnaıy syılyǵy rejısser Marııa Hatchanıdiń (Grýzııa) «Ana» («Dede») fılmine jáne rejısser Hıdje Djongtiń (Ońtústik Koreıa) «Avtostop qýýshy» fılmine buıyrdy.
Úzdik er adam róli - Karım Mırhadıev, «Qaısarlyq» (Ózbekstan);
Úzdik áıel adam róli - Marta Kozlova, «Anna soǵysy» fılmi, (Reseı);
Qysqa metrajdy fılmderdiń konkýrsy:
Gran-prı - rejısser Sýborna Senjýtıdiń (Úndistan, Bangladesh) «Balyqtar monology» fılmi;
Qazylar alqasynyń arnaıy nazary - rejısser Igor Poplaýhın (Reseı) «Kúntizbe» fılmi.
NETPAK tańdaýy:
Rejısser E.Stıshkovtyń (Reseı-Qyrǵyztan-Polsha) «Súleımen taýy» fılmi.
FIPRESSI tańdaýy:
Rejısser E.Stıshkovtyń (Reseı-Qyrǵyztan-Polsha) «Súleımen taýy» fılmi.
El-Arna telearnasynan erekshe dıplommen qazaqstandyq rejısser Oljas Ahmetovtyń "Nedelımoe" fılmi marapattaldy.
Bıyl kınofestıvaldiń qurmetti qonaqtarynyń sapynda áıgili frantsýz akteri Vensan Kassel, ıýgoslav jáne serbııalyq kınorejısser jáne kıno akter Emır Kýstýrıtsa, «Aıka» fılmindegi róli úshin 71 Kann kınofestıvaliniń «Eń úzdik áıel aktrısa» syılyǵyn ıelengen Samal Eslıamova, reseılik teatr jáne kıno aktrısasy Ravshana Kýrkova, reseılik teatr jáne kıno rejısseri Sergeı Pýskepalıs men Anna Melıkıan, ózge de kıno juldyzdar, halyqaralyq kınofestıvalderdiń jetekshileri, Eýropa, Azııa, Afrıka, Amerıkadaǵy kıno salasynyń belgili sarapshylary men synshylary, mádenıet qaıratkerleri boldy.
Shara aıasynda XIV Halyqaralyq «Eýrazııa» kınofestıvaliniń jeńimpaz fılmderiniń kórsetilimderi boldy.
