Eýrazııa elderi parlamentteri tóraǵalarynyń V Keńesi Indonezııada ótedi

NUR-SULTAN. QazAqparat - Eýrazııa elderi parlamentteri tóraǵalarynyń V Keńesi Indonezııada ótedi. Bul týraly búgin Eýrazııa elderi parlamentteri tóraǵalarynyń IV Keńesi jumysyn qorytyndylaǵan QR Parlamenti Májilisiniń Tóraǵasy Nurlan Nyǵmatýlın aıtty, dep habarlaıdy QazAqparat tilshisi.

«Eýrazııa elderi parlamentteri tóraǵalarynyń V Keńesi 2020 jyly Indonezııada ótedi», - dedi Májilis tóraǵasy keńes otyrysynyń qorytyndysyna arnalǵan baspasóz máslıhatynda.

Indonezııa Parlamenti Ókilder palatasynyń vıtse-spıkeri Fadlı Zon Qazaqstannyń elordasynda belgilengen keńes rýhyn odan ary qoldaýǵa barlyq kúsh-jigerlerin salatynyn málimdedi.

«Biz Eýrazııanyń osynaý rýh pen energııasyn jalǵastyratyn bolamyz. Ortaq múddemizdiń birtutas maqsatyn bildiretin taqyryp usynamyz», - dedi ol.

Fadlı Zonnyń naqtylaı túsýinshe, Eýrazııa elderi parlamentteri tóraǵalarynyń V Keńesi 2020 jyldyń ekinshi toqsanynda Balı aralynda ótedi.