Eýrazııa elderi parlamentteri tóraǵalarynyń Keńesinde qandaı máseleler qozǵaldy
NUR-SULTAN. QazAqparat - QR Parlamenti Májilisiniń Tóraǵasy Nurlan Nyǵmatýlın Eýrazııa elderi parlamentteri tóraǵalarynyń ІV Keńesin qorytyndylady, dep habarlaıdy QazAqparat tilshisi.
«Onyń qatysýshylary Eýrazııa qurlyǵyndaǵy ıntegratsııalyq protsesterge zor qyzyǵýshylyqtaryn bildirdi. Tórtinshi jalpy otyrys ótti. Keńes formaty taqyryptardyń barynsha keń aýqymyn, onyń ishinde óńirdegi beıbitshilik pen turaqtylyqty nyǵaıtý, ekstremızm men terrorızmge qarsy turý, mádenıetter órkenıeti dıalogyn damytý, elderimizdiń ekonomıkasyn ınnovatsııalyq damytý, tsıfrlandyrý, áleýmettik problemalardy sheshý máselelerin talqylaýǵa múmkindik berdi. Barlyq sóz sóıleýshiler saıası, ekonomıkalyq, quqyqtyq jáne gýmanıtarlyq salalardaǵy yntymaqtastyqty keńeıtý úshin Eýrazııa keńistigindegi parlamentaralyq dıalogty damytýdy jaqtady», -dedi Nurlan Nyǵmatýlın BAQ ókilderine arnalǵan brıfıngte.
Onyń atap ótýinshe, keńes ózara senimdi nyǵaıtý jáne halyqaralyq arenada ortaq múddeni qoldaý negizinde Eýrazııa elderiniń arasynda turǵan mindetterdi barynsha tıimdi sheshýge septigin tıgizedi.
«Birlesken málimdemede Eýrazııalyq ıntegratsııa ıdeıasynyń avtory ári bastamashysy QR Tuńǵysh Prezıdenti - Elbasy Nursultan Nazarbaevtyń tarıhı róliniń atalyp ótilgendigi qýantarlyq jaıt, rızashylyǵymyzdy bildiremiz. Sonymen qatar Eýrazııa keńistigindegi qaýipsizdik pen turaqty damý úshin konstrýktıvti ózara is-qımyldy, yntymaqtastyqty damytýǵa umtylys pen nıettestik atalyp ótti», - dedi Májilis tóraǵasy.
