Eýrazııa damý bankiniń Taldaý basqarmasy «TML makromonıtorıngin» shyǵardy

Onda alǵashqy jartyjyldyqtaǵy negizgi aǵymdarǵa taldaý jasalyp, 2011-2012 jyldarǵa arnalǵan boljamdar baǵalanǵan.

Halyqaralyq jáne ulttyq sarapshylardyń boljamyna qaraǵanda, 2011-2012 jyldary jalpy ishki ónimniń ósimi 4,5 paıyz deńgeıinde bolmaq. Barynsha joǵary ósim qarqyny 2011 jyl Túrikmenstan (9,6 paıyz) men Ózbekstanda (7,8 paıyz) josparlanýda. Eýrazııa damý banki sarapshylarynyń paıymdaýynsha, Eýropa men Amerıkadaǵy qurastyrmaly qaryz máselesi, bıýdjettik jáne syrtqy teńsizdigindegi kredıtorlar men qaryz alýshylardyń arasyndaǵy qarma-qarsylyqtyń sheshilmeýi álemdik ekonomıkadaǵy táýekeldiń ósýine jaǵdaı jasady. Damyǵan jáne damýshy elderdegi jaǵymsyz makroekonomıkalyq statıstıka keri ketýdiń belgisi. Osyǵan qaramastan alǵashqy jartyjyldyqta TMD elderiniń ekonomıkasyndaǵy ilgerileýshilikter jalǵasýda. Aldyn ala derekter boıynsha, 6 aıda JІÓ-niń ósimi aımaqta orta eseppen 4,2 paıyzdy qurady. Onda eń joǵary kórsetkish Túrikmenstanda (14,4 paıyz), eń tómengi kórsetkish Ázirbaıjanda (0,9 paıyz) tirkelip otyr.

Saýda balansynyń jaǵymdy dınamıkasy munaı-gaz eksporttaýshy elderdiń (Reseı, Qazaqstan, Túrikmenstan, Ózbekstan) ekonomıkalyq ósimin aıqyndady. Al munaı ónimderi men azyq-túlik baǵasynyń kóterilýi munaı-gaz ımportaýshy elderdiń (Armenııa, Qyrǵyzstan, Moldova, Tájikstan, Ýkraına) saýda balansyn nasharlatty. Inflıatsııanyń ortasha kórsetkishi Belorýssııadan ózge elderde maýsymdaǵy 11,4 paıyzdan tamyzda 10 paıyzǵa deıin tómendedi.