Eýrazııa damý banki «QazAgroQarjy» AQ-ǵa 10 mln. dollardyń maqsatty nesıe jelisin usyndy

ALMATY. 26 jeltoqsan. QazAqparat - Eýrazııa damý banki 5 jyl merzimge «QazAgroQarjy» AQ-na 10 mln. dollardyń maqsatty nesıe jelisin usyndy.

Ol alǵashqy kezekte halyqaralyq qarjy ınstıtýtyna qatysýshy elderden Qazaqstanǵa aýylsharýashylyq tehnıkalary men qural-jabdyqtaryn jetkizýdi qarjylandyrýǵa jumsalmaq.

Buǵan deıin naýryz aıynda da bank «QazAgroQarjy» AQ-na aýylsharýashylyq tehnıkalaryn jetkizýge 20 mln. dollardyń nesıesin bergen bolatyn. Sondaı-aq 2012 jyldyń shildesinde onyń Deere Credit Inc kompanııasyndaǵy aýylsharýashylyq tehnıkasyn satyp alyp, agroónerkásip kásiporyndaryna lızıngke berý týraly mindettemesine 5 jyldyq kepilge 10 mln. dollar bergen edi.