«Eýrazııa» basseıni - munaı óndiriletin negizgi aýmaq
ASTANA. 9 qazan. QazAqparat - Kazenergy VIII eýrazııalyq forýmy aıasynda «Eýrazııa» halyqaralyq jobasy tanystyryldy. Bul týraly 24 kz. habarlady
Atalǵan joba elimizdiń Kaspıı mańy oıpatynyń qurlyqtaǵy, teńizdegi jáne Reseı Federatsııasynyń aýmaǵyndaǵy tereń qabattardy barlaýdy kózdeıdi. Boljam boıynsha, «Eýrazııa» basseıniniń tereńdigi shamamen 20-25 shaqyrymdy quraıtyn bolady. 3 kezeńmen 2015-2020 jyldar aralyǵynda júzege asady dep josparlanǵan. Joba quny shamamen 500 mıllıon AQSh dollaryn quraıdy. Munda alǵashqy basymdyq Kaspıı mańy oıpatyna berilip otyr. Sebebi ol Qazaqstan men Reseıde munaı óndiriletin negizgi aýmaq bolyp tabylady. Atalǵan jobany qolǵa almas buryn mamandar Meksıka shyǵanaǵy syndy tereń basseınderdegi burǵylaý tájirıbesin, sondaı-aq Brazılııa men Sahalın aımaqtaryndaǵy sońǵy jetistikterdi zerttegen.
«Eýrazııa» jobasy Kaspıı mańyndaǵy basseınderge óńirlik keshendi zertteý júrgizýge, iri konsortsıým qurýǵa baǵyttalǵan KAZENERGY-diń ıdeıasy bop tabylady. Bul bir ǵana Kaspıı degen sóz emes, Kaspıı de osy jobanyń bir bóligi bop tabylady. Atalǵan jobanyń keleshegi zor jáne áleýeti joǵary bolady degen oıdamyz», - dep atap ótti QR Munaı jáne gaz mınıstri Uzaqbaı Qarabalın.
