«Eýrazııa Barysynyń» fınalyna kimder shyqqany belgili boldy
ASTANA. QazAqparat - Qazaq kúresinen Almatyda ótip jatqan «Eýrazııa Barysy» týrnırinde Qazaqstannyń birinshi quramasy da fınalǵa shyqty, dep habarlaıdy QazAqparat tilshisi.
Olar jartylaı fınalda Japonııa elinen kelgen balýandardy 8:0 esebimen oısyrata utyp, fınalǵa joldama aldy. Endi «Qazaqstan 1» quramasy men Almaty oblysynan quralǵan «Qazaqstan 2» komandalary fınalda bas júldeni sarapqa salady.
Al Ózbekstan quramasy men Japonııa balýandary úzdik úshinshi orynǵa talasady.
Esterińizge sala keteıik, atalǵan dodada Brazılııa, Japonııa, Kamerýn, Grýzııa, Mońǵolııa, Túrkııa, Ózbekstan jáne Qazaqstan balýandary ózara komandalyq synda baq synap jatyr. Aıta keteıik, qazaq balýandary jarysty uıymdastyrýshy el retinde eki qurammen óner kórsetýde.
Osylardyń arasynan Brazılııa, Kamerýn, Grýzııa, Mońǵolııa jáne Túrkııa balýandary júldeli orynǵa jetpeı jarys jolynan shyǵyp qaldy.
