«Eýrazııa Barysyna» tuńǵysh qatysqan japon balýandary alǵashqy synnan súrinbeı ótti
ASTANA. QazAqparat - Qazaq kúresinen Almatyda ótip jatqan «Eýrazııa Barysy» týrnırine tuńǵysh ret qatysyp jatqan Japonııa balýandary alǵashqy aınalymnan súrinbeı ótti, dep habarlaıdy QazAqparat tilshisi.
Japonııalyqtar birinshi aınalymda Túrkııadan kelgen balýandardy 7:1 esebimen utyp, kelesi aınalymǵa shyqty.
Osylaısha túrik balýandary jarys jolynan shyǵyp qaldy. Osyǵan deıin, Kamerýn, Brazılııa quramasy qarsylastarynan utylǵan bolatyn.
Esterińizge sala keteıik, osy týrnırdiń jeńimpazy atanǵan komandaǵa on mıllıon teńge, ekinshi oryn alǵan quramaǵa alty mıllıon teńge jáne úshinshi oryn ıelengen komandaǵa tórt mıllıon teńge beriledi.
