«Eýrazııa Barysy» úshinshi halyqaralyq týrnıri 9 qazanda ótedi
ASTANA. QazAqparat - Qazaq handyǵynyń 550-jyldyǵyn merekeleýge arnalǵan «Eýrazııa Barysy» úshinshi halyqaralyq týrnıri Taraz qalasyndaǵy «Taraz-Arena» sport saraıynda 9 qazanda saǵat 11:00-de bastalady.
Boz kilemge Grýzııa, Qazaqstan, Qyrǵyzstan, Mońǵolııa, Polsha, Reseı, Túrkııa, Ózbekstan palýandary shyǵady. Ár komanda bapker, jeti palýannan turady. Salmaq sanattary 55 kelige deıin, 66 kelige deıin, 74 kelige deıin, 82 kelige deıin, 90 kelige deıin, 100 kelige deıin, +100 keli.
«Eýrazııa Barysy» týrnıriniń televızııalyq kórsetilimi álemniń 126 elinde mıllondaǵan kórermender aldynda 7 saǵat kórsetiledi. Týrnırdi halyqaralyq «TRT Avaz» (Túrkııa) jáne «Boets» (Reseı) arnalary translıatsııalaıdy. Qazaqstandyq jankúıerler «Qazaqstan» jáne «Qazsport» arnalarynan tamashalaı alady, dep habarlaıdy sports.kz.
