«Eýrazııa Barysy»: Ózbekstan quramasy ekinshi jeńisine qol jetkizdi
ASTANA. QazAqparat - Qazaq kúresinen Almatyda ótip jatqan «Eýrazııa Barysy» týrnırinde Ózbekstan balýandary ekinshi jeńisine qol jetkizdi, dep habarlaıdy QazAqparat tilshisi.
Ózbek balýandary ekinshi aınalymda qurlyqtyń arǵy betinen kelgen Brazılııa balýandaryn 8:0 esebimen oısyrata utty. Aıta keterligi Brazılııa komandasy «Eýrazııa Barysy» týrnırine bıyl tuńǵysh ret qatysyp otyr.
Endi, ózbek balýandary úshinshi aınalymda «Qazaqstan 2» komandasymen synǵa túsetin bolady. Alǵashqy irikteýde ózbek balýandary Kamerýn balýandaryn 7:1 esebimen utyp, jeńiske jetken bolatyn. Aıta keterligi, Kamerýn eliniń balýandary da «Eýrazııa Barysy» týrnırine alǵash ret qatysyp otyr.
Esterińizge sala keteıik, Qazaqstan atalǵan týrnırge eki qurammen óner kórsetip jatyr.
Olar:
Qazaqstannyń 1-shi quramasy:
-55 keli: Daýylbaı Ospan
-60 keli: Qýanysh Ysqaqov
-66 keli: Baqdáýlet Sábıtov
-74 keli: Aıdos Ǵalymov
-82 keli: Ersultan Muzapparov
-90 keli: Bekzat Ahmetbekov
-100 keli: Asyl Bármenov
+100 keli: Aıbek Nuǵymarov
Qazaqstannyń 2-shi quramasy:
-55 keli: Dáýlet Nıetbaı
-60 keli: Erjan Maǵaýınov
-66 keli: Qasymhan Tólenbaı
-74 keli: Amangeldi Tólemisov
-82 keli: Sahan Ábdiqasym
-90 keli: Saıat Shámshıev
-100 keli: Vıktor Demıanenko
+100 keli: Rýslan Ábdirazaqov.
