«Eýrazııa Barysy»: Ózbekstan Kamerýn balýandaryn utyp, kelesi aınalymǵa ótti

ASTANA. QazAqparat - Qazaq kúresinen «Almaty Arena» sport kesheninde ótip jatqan «Eýrazııa Barysy» týrnırinde ózbek balýandary Kamerýn balýandaryn 7:1 esebimen utyp, kelesi aınalymǵa ótti, dep habarlaıdy QazAqparat tilshisi.

Esterińizge sala keteıik, atalǵan dodada Brazılııa, Japonııa, Kamerýn, Grýzııa, Mońǵolııa, Túrkııa, Ózbekstan jáne Qazaqstan balýandary ózara komandalyq synda baq synaıdy. Qazaq balýandary jarysty uıymdastyrýshy el retinde eki qurammen óner kórsetedi. Al ózge elder bir qurammen 55 kg, 60 kg, 66 kg, 74 kg, 82 kg, 90 kg, 100 kg jáne +100 kg salmaq dárejeleri boıynsha myqtyny anyqtaıdy.