Eýrazııa Barysy: Qazaqstannyń ekinshi quramasy fınalǵa shyqty
ASTANA. QazAqparat - Qazaq kúresinen Almatyda ótip jatqan «Eýrazııa Barysy» týrnırinde Qazaqstannyń ekinshi quramasy fınalǵa shyqty, dep habarlaıdy QazAqparat tilshisi.
Otandastarymyz jartylaı fınalda Ózbekstan balýandaryn 6:2 esebimen utyp fınalǵa joldama aldy. Osyǵan deıin «Qazaqstan 2» quramasy shırek fınalda Grýzııa balýandaryn da týra osyndaı 6:2 esebimen jeńgen bolatyn. Al, ózbek balýandary birinshi aınalymda Kamerýn balýandaryn 7:1 esebimen qapy qaldyryp, shırek fınalda Brazılııa balýandaryn 8:0 esebimen oısyrata utqan edi.
Endi Ózbekstan quramasy qola belbeý úshin synǵa túsedi. Al «Qazaqstan 2» quramasy fınalda «Qazaqstan 1» quramasy jáne Japonııa balýandary arasyndaǵy beldesýdiń jeńimpazymen altyn júldege talasady.
