«Eýrazııa Barysy»: «Qazaqstan 2» komandasy Grýzııa balýandaryn qapy qaldyrdy
ASTANA. QazAqparat - Qazaq kúresinen Almatyda ótip jatqan «Eýrazııa Barysy» týrnırinde «Qazaqstan 2» komandasy Grýzııa balýandaryn 6:2 esebimen utyp, kelesi aınalymǵa shyqty, dep habarlaıdy QazAqparat tilshisi.
«Qazaqstan 2» komandasy sapynan 74 jáne 90 keli salmaqta synǵa túsken eki balýanymyz qarsylastaryna jol bergenimen, ózge balýandarymyz myqtylyǵyn dáleldep, alǵashqy irikteýden súrinbeı ótti.
Endi, «Qazaqstan 2» komandasy Brazılııa men Ózbekstan komandasynyń jeńimpazymen synǵa túsedi.
Esterińizge sala keteıik, osyǵan deıin Ózbeksten quramasy Kamerýn balýandaryn 7:1 esebimen utyp, jeńiske jetken bolatyn.
Atalǵan dodada Brazılııa, Japonııa, Kamerýn, Grýzııa, Mońǵolııa, Túrkııa, Ózbekstan jáne Qazaqstan balýandary ózara komandalyq synda baq synaıdy. Qazaq balýandary jarysty uıymdastyrýshy el retinde eki qurammen óner kórsetedi. Al ózge elder bir qurammen 55 kg, 60 kg, 66 kg, 74 kg, 82 kg, 90 kg, 100 kg jáne +100 kg salmaq dárejeleri boıynsha myqtyny anyqtaıdy.
