«Eýrazııa arýy» 13 jylǵa bas bostandyǵynan aıyryldy

ASTANA. QazAqparat - Túrkııada 2016 jyly «Eýrazııa arýy» atanǵan alǵashqy túrik qyzy 25 jastaǵy Sıbel Demıralp 13 jyl merzimge bas bostandyǵynan aıyryldy, dep habarlaıdy QazAqparat jergilikti basylymdarǵa silteme jasap.

Týystary ony qaıyrymdy, ıbaly qyz dep júrgen, alaıda arý qyzdyń bandamen baılanysy bar bolyp shyqty.

Sıbel Internette dáýletti zergermen tanysady. Ǵashyq bolǵan er adam qyzben ońashada kezdesýdy usynady. Boıjetkenniń úıine qonaqqa kelgen kezde  zergerdi bir top bandıtter kútip otyrǵan.

Qaraqshylar zergerdi uryp-soǵyp, sheshindirip, abyroıyn tógetindeı sýretke túsirip, ol úshin 240 myń lıra (shamamen 45 myń dollar) talap etken.

Qaskóıler zergerdiń aqshasyn alýyn alǵan, biraq artynsha bul iske polıtsııa aralasty. Kóp uzamaı banda qolǵa túsip, Sıbelmen qosa sottyń sheshimimen uzaq merzimge bas bostandyqtarynan aıyryldy.