Eýrazııa aptalyǵy aıasynda birqatar mańyzdy sharalar uıymdastyryldy - Marat Qusaıynov
«Birinshiden, álemdik jetekshi sarapshylardyń qatysýymen Eýrazııalyq ekonomıkalyq odaq elderinde básekege qabilettilik saıasatyn jetildirý máseleleri boıynsha halyqaralyq konferentsııa ótkizdik. Ekinshiden, bıznespen básekelestik Blogynyń kóshpeli Qoǵamdyq qabyldaý otyrysyn uıymdastyrdyq. Biz bıznesti básekelestik erejeleriniń buzylýyna baılanysty jaýapkershilik týraly aqparattandyryp qana qoımaı, naryqtaǵy antıbásekelestik kezinde óz quqyǵyn qalaı qorǵaý kerektigin aıtyp berdik. Sonymen birge, Qoǵamdyq qabyldaý aıasynda birqatar kásipkerlerdiń jeke konsýltatsııasy júrgizildi», - deıdi ol.
Marat Qusaıynovtyń aıtýynsha, úshinshiden «5+1» formaty arqyly Ekonomıkalyq odaq elderiniń antımonopolııalyq vedomstvo basshylarymen jarııaly bastamalardy engizý máseleleri talqylanǵan.
«Bul - antımonopolııalyq organdardyń qoǵammen, bıznespen belgili bir naryqtarda básekege qabilettilikti qorǵaý boıynsha keri baılanys ornatýynyń jańa quraly», - deıdi Marat Qusaıynov.
«Eýrazııa aptalyǵy» ІІІ Halyqaralyq kórme forýmy Erevanda 2018 jyldyń 22-24 azan aılary aralyǵynda ótedi. Forým aıasynda Eýrazııalyq ekonomıkalyq odaqqa múshe elderdiń bılik, retteý organdary men ekonomıkalyq uıymdardyń ókilderi transshekaralyq naryqtarda básekege qabilettilikti jáne EAEO elderinde antımonopolııalyq retteý máselelerin talqylaý úshin bıznes-qaýymdastyqtarmen kezdesý ótkizedi.
Osyǵan deıin AHQO múmkindikteri Erevandaǵy «Eýrazııa aptalyǵy» forýmynda tanystyrylǵandyǵyn jazǵan bolatynbyz.
