Eýrazııa álemdegi negizgi qozǵaýshy kúshke aınalýda - ShYU Bas hatshysy

BEIJІŃ. QazAqparat - ShYU-nyń tabysty damýy - Eýrazııadaǵy jalpy ahýalǵa baılanysty bolmaq. Bul týraly Shanhaı yntymaqtastyq uıymynyń (ShYU) Bas hatshysy  Rashıd Alımov málim etti, dep habarlaıdy Qytaıdaǵy «QazAqparat» HAA menshikti tilshisi.

«Eýrazııa álemdik saıasat pen ekonomıkadaǵy negizgi qozǵaýshy tetikke aınalýda. Onyń basty quramy - Shanhaı yntymaqtastyq uıymy sanalady. Ol Eýrazııa aýmaǵynyń 60%-yn, álem halqynyń 40%-yn alyp jatyr, al oǵan múshe elder - «Úlken Eýrazııa segizdigi» álemdik JІÓ-niń tórtten birin óndiredi. ShYU-nyń ary qaraı damýy - álemdegi basty óńirlerdiń jalpy ahýalyna baılanysty bolmaq», - dedi R.Alımov Beıjińdegi «Shanhaı yntymaqtastyq uıymy: jańa dáýir, jańa damý» halyqaralyq forýmynda.

Onyń aıtýynsha, ShYU qurylǵaly beri saıasat, qaýipsizdik, ekonomıka, mádenıet jáne gýmanıtarlyq baılanys salalaryndaǵy yntymaqtastyqty damytyp keledi.

Іs-shara Qytaı jalpy ǵylym akademııasy ShYU Hatshylyǵynyń qoldaýymen uıymdastyrylǵan. Sarapshylar óńirlik turaqtylyq pen keshendik qaýipsizdikti, uıymǵa múshe elderdiń birlesken ekonomıkalyq damýyn, ShYU aıasynda ózara árekettestikti kúsheıtýdiń jańa tásilderin qalyptastyrýdy talqylady.