EýrAzEQ-taǵy yqpaldastyq úderisterinde Kedendik odaq birinshi saty - Sergeı Glazev
LMATY. 13 qazan. QazAqparat /Erlik Erjanuly/ - EýrAzEQ-taǵy yqpaldastyqtyń kelesi qadamy Biryńǵaı ekonomıkalyq keńistikti (BEK) qurý. Ony Kedendik odaq komıssııasynyń Jaýapty hatshysy Sergeı Glazev búgin Almatyda ótip jatqan «Kedendik odaq jáne EýrAzEQ Biryńǵaı ekonomıkalyq keńistigi: ary qaraı yqpaldasýdyń keleshegi» dep atalatyn VI Halyqaralyq konferentsııada aıtty.
«Biryńǵaı ekonomıkalyq keńistik aıasynda taýar, qyzmet, kapıtal jáne eńbek naryǵy tolyǵady. 2012 jyldyń 1 qańtarynan bastap Biryńǵaı ekonomıkalyq keńistik iske qosylady. Ekonomıkalyq yqpaldastyqtyń odan keıingi kezeńi - Eýropalyq ekonomıkalyq odaq úlgisindegi jalpy ekonomıkalyq keńistiktiń qurylymdaryn qalyptastyrý bolmaq», - deıdi S. Glazev. Onyń aıtýynsha, qazir Eýrazııalyq ekonomıkalyq odaqty qalyptastyrýdyń jospary jasalýda. Sol sebepti Biryńǵaı ekonomıkalyq keńistikti qurý ekonomıkalyq yqpaldastyqtyń jalǵasy. Ol kapıtal, taýar, eńbek naryǵyn tolyqtyryp, básekelestikke teńdeı jaǵdaı týǵyzady. Kelisimder toptamasyna - monopololııaǵa qarsy retteý, memlekettik satyp alýdy qamtamasyz etý enip otyr. Sergeı ıÝrevıchtiń sózine qaraǵanda, qazirgi tańda Keden odaǵyna múshe elder Biryńǵaı ekonomıkalyq keńistiktiń 17 kelisimin bekitti. Al EýrAzEQ-qa múshe-memleketter arasynan Keden odaǵyna kirmegen Qyrǵyzstan men Tájikstan yqpaldastyq úderisine kez-kelgen ýaqytta qosyla alady. Máselen, Qyrǵyzstan qazirdiń ózinde Kedendik odaqqa kirýge ótinish berip otyr. Aldaǵy ýaqytta endi oǵan Tájikstan da kirmek.
