EýrAzEQ 16 shilde kúni Moldovamen saýda qatynastaryna qatysty qorǵanys sharalaryn qaraıdy
ASTANA. QazAqparat - EýrAzEQ 16 shilde kúni Moldovamen saýda qatynastaryna qatysty qorǵanys sharalaryn qaraıdy. Bul týraly Reseı premer-mınıstri D.Medvedev tóraǵalyq etken otyrysta onyń birinshi orynbasary Igor Shývalov málimdedi, dep jazady ITAR-TASS.
Onyń aıtýynsha, qujattar qarý úshin daıyndaýǵa jiberilip qoıǵan.
Mundaı málimdemeni Shývalov Moldovanyń Eýroodaqpen qaýymdastyǵyna baılanysty Reseı naryǵyn qorǵaý úshin tez arada sheshim qabyldaý kerek degen D.Medvedevtiń talap etkeninen keıin jasady.
I.Shývalovtyń aıtýynsha, qajet mehanızmder Keden Odaǵy jáne Dúnıejúzilik sýda uıymynyń normatıvtik aktilerine baılanysty qarastyrylǵan. Medvedev Keden Odaǵynyń ózge múshelerimen talqylaǵannan keıin sheshim qabyldanatynyn aıtty.
Esterińizge sala keteıik, 27 maýsym kúni Ýkraına prezıdenti Petr Poroshenko, Grýzııa premer-mınıstri Iraklıı Garıbashvılı jáne Moldavııa premer-mınıstri ıÝrıı Lıanke óz elderiniń erkin saýda jasaý jáne Eýroodaqpen qaýymdastyq týraly ekonomıkalyq kelisimge qol qoıǵan bolatyn. EO tarapynan qujatqa Eýropalyq keńes basshysy Herman van Rompeı, Eýrokosmıssııa tóraǵasy Joze Manýel Barrozý jáne EO múshe-memleketterdiń basshylary qol qoıdy.
