«Eurasia Agroholding» jáne qytaılyq COFCO Qazaqstanda tomat pastasyn shyǵaratyn 3 zaýyt salmaq
BEIJІŃ. QazAqparat - «Eurasia Agroholding» kompanııasynyń qazaqstandyq toby qytaılyq COFCO kompanııasymen birlesip Batys Qazaqstan, Qyzylorda, Shyǵys Qazaqstan oblystarynda tomat óndirý boıynsha eksportqa baǵdarlanǵan zaýyt salady. Bul týraly qazaqstandyq jýrnalısterge bergen suhbatynda «Eurasia Agroholding» atqarýshy dırektory Serǵazy Isembaev habarlady.
«Bizdiń kompanııa toby 52 jobany qamtıtyn ındýstrııalandyrý jáne ınvestıtsııalar salasyndaǵy qazaqstandyq-qytaılyq yntymaqtastyq baǵdarlamasyna engizildi. Qytaıdyń iri, nómir birinshi COFCO kompanııasymen birlesip, biz úsh oblysta tomat pastasyn óndiretin jobany júzege asyramyz», - dedi ol ındýstrııalandyrý jáne ınvestıtsııalar salasyndaǵy yntymaqtastyq jónindegi qazaqstandyq-qytaılyq birlesken komıssııanyń 8-shi otyrysynda.
Onyń aıtýynsha, qazirgi ýaqytta qarjylandyrý, jobalaý máseleleri sheshildi, damý startegııasy ázirlendi. Ár zaýyt 1 myńnan astam jumys ornyn qurýǵa múmkindik beredi.
«Bıyl biz táýligine keminde 4 myń tonna tomat óńdeıtin alǵashqy zaýytty salýǵa kirisemiz. Kelesi jyldan bastap tamshylatyp sýarýmen Qazaqstan egisterinde eki myń gektardan astam tomat egý josparlanýda. Qytaıǵa, Eýropa elderine jetkizý úshin ekologııalyq taza ónimder shyǵarylatyn bolady», - dep atap ótti S. Isembaev.
