EURACTIV: ıÝnker men Nazarbaev EO-Qazaqstan bıznes forýmyn qurý máselesin talqylady
ASTANA. QazAqparat - Qazaqstan Prezıdenti Nursultan Nazarbaev pen Eýropa komıssııasynyń tóraǵasy Jan-Klod ıÝnker EO-Qazaqstan bıznes forýmyn qurý máselesin talqylady. Bul týraly «QazAqparat» EURACTIV Evropa medıa-platformasyna (Belgııa) silteme jasap habarlaıdy.
Brıýsselde «Azııa - Eýropa» forýmynyń 12-shi Sammıti (ASEM) kýlýarynda Eýropa komıssııasynyń tóraǵasy Jan-Klod ıÝnker men Qazaqstan Prezıdenti Nursultan Nazarbaev ekijaqty yntymaqtastyqty tereńdetý, sonyń ishinde EO-Qazaqstan bıznes forýmyn qurý máselesin talqylady. Aıta keteıik, Qazaqstan basshysymen kezdesý Jan-Kloda ıÝnker úshin ekijaqty kezdesýler aıasyndaǵy alǵashqysy boldy.
ASEM sammıtinde Nursultan Nazarbaev qazirgi álemde, ókinishke qaraı, ónimdi dıalog pen ózara túsinistik joq ekenin qadap aıtty.
«Búginde barshamyz ótken ǵasyrdyń 60-jyldaryndaǵy Kýba daǵdarysy sekildi ekonomıkalyq, saıası jáne áskerı teketiresterge kýá bolyp otyrmyz. Buǵan NATO shekarasynyń Reseıge jaqyndap kele jatqany da áserin tıgizip jatyr», - dedi Qazaqstan Prezıdenti óz baıandamasynda.
Shynynda da, Reseı men Batystyń egesýi úreılendiretindeı jaǵdaıǵa jetti. AQSh-tyń NATO-daǵy elshisiniń jýyrda jarııalaǵan málimdemesi 1961 jylǵy Kýba zymyran daǵdarysynyń sıýjetterin eske salǵan bolatyn.
Nursultan Nazarbaev Astana dıplomatııalyq platforma bolýǵa daıyn ekenin jetkizdi.
«Men AQSh, Reseı, Qytaı, EO basshylaryn jınalyp, búkil problemalardy talqylaýǵa shaqyramyn. Bálkim, osy taqyrypta BUU-nyń arnaıy sessııasyn shaqyrý qajet bolar», - dedi Qazaqstan Prezıdenti.
Ekijaqty kezdesýde Jan-Klod ıÝnker 2008 jylǵy Qazaqstanǵa sapary, Nursultan Nazarbaevpen halyqaralyq ahýal jaıyndaǵy suhbaty esinde jaqsy saqtalǵanyn aıtyp, turaqty kezdesýlerge úmit artatynyn bildirdi. Kezdesýde Jan-Klod ıÝnker men Nursultan Nazarbaev BUU Qaýipsizdik keńesi arqyly óńirlik yntymaqtastyqty damytý jáne ekijaqty ózara yqpaldastyqty tereńdetý máselelerin talqylady.
Budan tys, Nursultan Nazarbaev Frantsııa prezıdenti Emmanýel Makronmen de kezdesti. Qazaqstan Prezıdenti elimizde ondaǵan frantsýz kompanııalary qyzmet júrgizip otyrǵanyn, ózara saýda aınalymy 5 mıllıard AQSh dollaryna jetetinin aıtty. Bul Makron 2017 jylǵy mamyrda laýazymyna kiriskeli beri, eki lıderdiń alǵashqy kezdesýi boldy, dep habarlaıdy EURACTIV Evropa medıa-platformasy.
