EU reporter jýrnaly Qazaqstannyń ulttyq basymdylyqtary týraly jazdy
ASTANA. QazAqparat - Eýrokomıssııanyń resmı resýrsy bolyp tabylatyn EU reporter jýrnaly Qazaqstannyń taıaý jyldardaǵy jańa maqsattary týraly materıal jarııalady, dep habarlaıdy QazAqparat.
Materıalda Prezıdent Nursultan Nazarbaevtyń «Qazaqstannyń úshinshi jańǵyrýy» Joldaýynda jáne «Bolashaqqa baǵdar: rýhanı jańǵyrý» maqalasynda aıtylǵan máseleleri qaýzalǵan.
EU reporter jýrnaly keltirgen deregi boıynsha, Eýropalyq odaq QR-nyń damyǵan 30 eldiń qataryna kirýi ambıtsııasyn tolyqtaı qoldaıdy jáne Qazaqstannyń damýyn Eýropa men óńirlerdiń ósip órkendeýi úshin qajettilik retinde qarastyrady.
Belgııalyq depýtat Mark Tarabella Qazaqstannyń naýryz aıynda qabyldanǵan konstıtýtsııalyq reformasyna qoldaý bildirdi jáne EU reporter tilshisine «Prezıdent el ınstıtýttaryndaǵy demokratııalyq ózgeristerge esik ashqysy keletin sııaqty», - dep pikir bildirgen.
Sondaı-aq, jýrnalda jarııalanǵan maqalada gýmanıtarlyq ǵylymdar boıynsha álemdegi úzdik 100 oqýlyqty qazaq tiline aýdarý, Qazaqstannyń kıeli oryndaryn ulttyq deńgeıde damytý men Qazaqstannyń zamanaýı mádenıetin álemge pash etý baǵyttaryndaǵy basymdylyqtary aıtylǵan.
