Ettiń qymbattaýyna eshqandaı negiz joq – vıtse-premer
«Negizi mal sharýashylyǵymen aınalysatyn taýar óndirýshilermen, fermerlik qojalyq basshylarymen kezdeskende bári bir problemany aıtady. Ettiń satyp alý baǵasy óte tómen. Ortasha alǵanda, tiri salmaqtaǵy ettiń bir kelisi 700-800 teńgeden aspaıdy dep otyr. Sol sebepti mal sharýashylyqtarynyń negizgi problemasy - bastapqy satyp alý baǵasy óte tómen bolýynda. Baǵanyń ári qaraı qalyptasýy saýda júıelerine baılanysty. Baǵa sol jaqta ósip jatyr. Qazirgi tańda bizde ettiń baǵasy negizinen turaqty. Bıyl et óndirý kóleminde de, mal basynda da ósim bar. Sol sebepti táýekel joq dep esepteımiz», - dedi mınıstr ortalyq kommýnıkatsııalar qyzmetinde ótken brıfıngide.
Bul ýájdi QR Premer-Mınıstriniń orynbasary –Saýda jáne ıntegratsııa mınıstri Baqyt Sultanov ta qýattady.
«Et baǵasynyń ósýine eshqandaı negiz joq. Deldaldar týraly aıtyp otyrsyz, búgingi tańda taýar óndirýshi fermerlerden ettiń baǵasy ortasha eseppen 900 teńgeden alynady. Ári qaraı naryqqa jetkenshe monopolııalar, basqa da deldaldar,olıgopolııalar arqyly baǵa ósip ketedi. Bul jaǵynan biz jumys istep jatyrmyz. Bazar ıeleriniń, ákimshileriniń jaýapkershiligin arttyrý baǵytynda zańnamalyq ózgerister engizip jatyrmyz. Sondaı-aq, jergilikti organdarmen birlesip, kishigirim saýda obektilerinde ústeme baǵany 15 paıyzdan asyrmaý týraly baǵytynda tıisti sharalar júrgizilip jatyr. Úıdiń qasyndaǵy shaǵyn dúkenderdiń tıisti jaýapkershiligin arttyrý úshin qosymsha sharalar engiziledi», - dedi vıtse-premer.
Buǵan deıin Úkimettiń keńeıtilgen otyrysynda Memleket basshysy Qasym-Jomart Toqaev qant tapshylyǵyn retteı almaǵan Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke sógis jarııalaǵan edi.
