Etti mal sharýashylyn damytý úshin jem-shóp óndirýge arnalǵan jeke baǵdarlama qajet - A. Selıýlev
ASTANA. Maýsymnyń 1-i. QazAqparat /Qanat Mámetqazyuly/ - Qazaqstanda etti mal sharýashylyǵyn damytý úshin jem-shóp óndirýge arnalǵan jeke baǵdarlama qajet.
Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetiniń depýtattarymen kezdesýi barysynda «Mal ónimderi» korporatsııasynyń Basqarma basshysy Aleksandr Selıýlev osylaı málim etti, dep habarlaıdy QazAqparat.
«Búgingi kúni elimizde dál osy baǵyttaǵy baǵdarlama áli de joq. Degenmen, jem-shóp óndirisin durys jolǵa qoımaı turyp, etti mal ónimdiligin arttyrý týraly másele qozǵaý da múmkin emes», dedi A. Selıýlev. Basqarma Tóraǵasynyń alǵa tartqan málimetterine qaraǵanda, Qazaqstanda 90-shy jyldary jem men jem-shóp óndirýdiń jalpy aınalymynda 12,5 mln. gektar jer bolǵan. Jyl saıyn bul oryndarda birjyldyq, kópjyldyq jemdik shabyndyqtar egilip otyrǵan.
«Al ótken 2009 jyly jem-shóp ázirleý maqsatyndaǵy sebilgen shabyndyqtyń aýqymy 2,5 mln. gektardy ǵana quraıdy. Osy faktiniń ózi jem-shóp salasyna memlekettik qoldaýdyń qajet ekendigin kórsetedi», dedi ol.
