Etnojýrnalıstıka salasyndaǵy «Shańyraq» shyǵarmashylyq konkýrsynyń qorytyndylary jarııalandy
Mádenıet jáne aqparat vıtse-mınıstri Arman Orazbaıuly Qyryqbaev jeńimpazdarǵa dıplomdar men baǵaly syılyqtar tapsyrdy.
Bul týraly mınıstrliktiń baspasóz qyzmeti habarlady.
Bıylǵy jyly konkýrs myna atalymdar boıynsha júrgizildi:
- Qazaqstan qoǵamyndaǵy etnosaralyq kelisimdi nyǵaıtýǵa baǵyttalǵan úzdik maqalalar, tele-radıo habarlar jáne baǵdarlamalar;
- Qazaqstan Respýblıkasy Memlekettik rámizderiniń 20 jyldyǵyn merekeleý aıasynda qazaqstandyq patrıotızmdi qalyptastyrýdaǵy memlekettik rámizderdiń rólin jarııalaǵan úzdik maqalalar, tele-radıo habarlar jáne baǵdarlamalar;
- Qazaqstan halqy Assambleıasynyń qyzmetin túsindirý jónindegi úzdik maqalalar, tele-radıo habarlar jáne baǵdarlamalar;
- Qazaqstan etnostarynyń mádenıeti men salt-dástúrin damytýǵa baǵyttalǵan úzdik maqalalar, tele-radıo habarlar jáne baǵdarlamalar;
- memlekettik tildiń rólin kóterýge baǵyttalǵan úzdik maqalalar, tele-radıo baǵdarlamalary.
-«Qazaqstan qoǵamyndaǵy etnosaralyq kelisimdi nyǵaıtýǵa baǵyttalǵan úzdik maqalalar, tele-radıo habarlar jáne baǵdarlamalar» atalymy boıynsha - «Znamıa trýda» gazetiniń tilshisi Mıhaıl Borısovıch Te jeńimpaz dep tanyldy.
«Qazaqstan Respýblıkasy Memlekettik rámizderiniń 20 jyldyǵyn merekeleý aıasynda qazaqstandyq patrıotızmdi qalyptastyrýdaǵy Memlekettik rámizderdiń rólin jarııalaǵan úzdik maqalalar, tele-radıo habarlar jáne baǵdarlamalar» QR Túrik etnomádenı ortalyǵynyń halyqaralyq «Ahyska» basylymynyń tilshisi Gúlbaný Qaltóre jeńimpaz dep tanyldy.
«Qazaqstan halqy Assambleıasynyń qyzmetin túsindirý jónindegi úzdik maqalalar, tele-radıo habarlar jáne baǵdarlamalar» atalymy boıynsha Qostanaı oblysynyń «Sarykól» gazetiniń tilshisi Natalıa Nıkolaevna Komarova jeńimpaz dep tanyldy.
«Qazaqstan etnostarynyń mádenıeti men salt-dástúrin damytýǵa baǵyttalǵan úzdik maqalalar, tele-radıo habarlar jáne baǵdarlamalar» atalymy boıynsha, Qazaqstan halqy Assambleıasynyń múshesi, balalarǵa arnalǵan basylymdar men ǵylymı jarııalanymdardyń avtory Lıýdmıla Hısaevna Hochıeva jeńimpaz dep tanyldy.
«Memlekettik tildiń rólin kóterýge baǵyttalǵan úzdik maqalalar, tele-radıo baǵdarlamalary» atalymy boıynsha QR eńbek sińirgen mádenıet qyzmetkeri, Jýrnalıster odaǵynyń, Jazýshylar odaǵynyń múshesi, jazýshy - jýrnalıst Sabyrjan Shúkiruly jeńimpaz dep tanyldy.
