Etnojýrnalıstıka salasyndaǵy «Shańyraq» shyǵarmashylyq baıqaýynyń qorytyndysy jarııalandy
dep habarlady QR Mádenıet jáne aqparat mınıstrliginiń baspasóz qyzmetinen.
Bıyl baıqaý kelesi atalymdar boıynsha ótkizildi:
1) Qazaqstan qoǵamyndaǵy etnosaralyq kelisimdi nyǵaıtýǵa baǵyttalǵan úzdik maqalalar, tele-radıo habarlar jáne baǵdarlamalar;
2) Qazaqstan Respýblıkasy Memlekettik rámizderiniń 20 jyldyǵyn merekeleý aıasynda qazaqstandyq patrıotızmdi qalyptastyrýdaǵy Memlekettik rámizderdiń rólin jarııalaǵan úzdik maqalalar, tele-radıo habarlar jáne baǵdarlamalar;
3) Qazaqstan halqy Assambleıasynyń qyzmetin túsindirý jónindegi úzdik maqalalar, tele-radıo habarlar jáne baǵdarlamalar;
4) Qazaqstan etnostarynyń mádenıeti men salt-dástúrlerin damytýǵa baǵyttalǵan úzdik maqalalar, tele-radıo habarlar jáne baǵdarlamalar;
5) memlekettik tildiń rólin kóterýge baǵyttalǵan úzdik maqalalar, tele-radıo baǵdarlamalar.
Nátıjesinde, «Qazaqstan qoǵamyndaǵy etnosaralyq kelisimdi nyǵaıtýǵa baǵyttalǵan úzdik maqalalar, tele-radıo habarlar jáne baǵdarlamalar» nomınatsııasy boıynsha - «Znamıa trýda» gazetiniń tilshisi Mıhaıl Te jeńimpaz dep tanyldy.
«Qazaqstan Respýblıkasy Memlekettik rámizderiniń 20 jyldyǵyn merekeleý aıasynda qazaqstandyq patrıotızmdi qalyptastyrýdaǵy Memlekettik rámizderdiń rólin jarııalaǵan úzdik maqalalar, tele-radıo habarlar jáne baǵdarlamalar» atalymynda QR Túrik etnomádenı ortalyǵynyń halyqaralyq «Ahyska» basylymynyń tilshisi Gúlbaný Qaltóre úzdik shyqty.
«Qazaqstan halqy Assambleıasynyń qyzmetin túsindirý jónindegi úzdik maqalalar, tele-radıo habarlar jáne baǵdarlamalar» nomınatsııasy boıynsha Qostanaı oblysynyń «Sarykól» gazetiniń tilshisi Natalıa Komarova jeńimpaz ataldy.
«Qazaqstan etnostarynyń mádenıeti men salt-dástúrin damytýǵa baǵyttalǵan úzdik maqalalar, tele-radıo habarlar jáne baǵdarlamalar» nomınatsııasynda Qazaqstan halqy Assambleıasynyń múshesi, balalarǵa arnalǵan basylymdar men ǵylymı jarııalanymdardyń avtory Lıýdmıla Hochıeva jeńiske jetti.
«Memlekettik tildiń rólin kóterýge baǵyttalǵan úzdik maqalalar, tele-radıo baǵdarlamalary» nomınatsııasy boıynsha QR mádenıet qaıratkeri, Jýrnalıster odaǵynyń jáne Jazýshylar odaǵynyń múshesi, jazýshy - jýrnalıst Sabyrjan Shúkiruly jeńimpaz dep tanyldy.
