Etnosaralyq kelisimniń qazaqstandyq tájirıbesi kóp elderde qoldanylsa, álem qaýipsizdigi arta túser edi - Elbasy

ASTANA. QazAqparat - Etnosaralyq kelisimniń qazaqstandyq tájirıbesi álemdi qaýipsiz jasar edi. Búgin Qazaqstan halqy Assambleıasynyń «Máńgilik el: bir el - bir taǵdyr» atty HHІІ sessııasynda QR Prezıdenti, Qazaqstan halqy Assambleıasynyń Tóraǵasy Nursultan Nazarbaev osylaı dedi.

Elbasy óz sózinde etnıkalyq kelisimniń qazaqstandyq tájirıbesin qoldanǵan elderdiń qataryna kóbeıe tússe, álemniń qaýipsizdigi arta túsetindigine senimdi ekenin basa aıtty.

«Biz Islamnyń qasıetti qundylyqtaryn kelekege aınaldyrǵan Eýropadaǵy ıslamofobııanyń arta túsýin baıqap otyrmyz. Osy jáne ózge de oqıǵalar tarıhshylar qalaı túsindirse de ultaralyq jáne konfessııaaralyq qarym-qatynas salasyndaǵy názik problemalar men qazirgi syn-qaterlerdiń jahandyq kelbetin qýattaı túsedi. Kez kelgen eldiń kúsh-qýaty - onyń halqynyń birliginde», - dedi Memleket basshysy.