Etnosaralyq kelisimniń arqasynda biz tolaǵaı tabystarǵa qol jetkizdik - Nurmuhambet Ábdibekov
ASTANA. QazAqparat - Qaraǵandy oblys ákimi Nurmuhambet Ábdibekov Qaraǵandy qalasyndaǵy Svıato-Vvedensk soborynda bolyp, pravoslav hrıstıandaryn Rojdestvo merekesimen quttyqtady.
- Bul adamdardyń júregine mahabbat, meıirimdilik pen izgilik nárin sebetin aıtýly merekelerdiń biri. Olar basqa da dinderdiń moraldyq negizderimen úndese kelip, adamzat balasyn beıbitshilik pen ózara túsinistikke shaqyrady. Bizdiń Otanymyz Qazaqstan búginde El Prezıdenti Nursultan Ábishuly Nazarbaevtyń sarabdal saıasatynyń nátıjesinde dál osyndaı etnosaralyq jáne konfessııaaralyq kelisimniń tamasha úlgisine aınalyp otyr. Іshki saıası turaqtylyq, etnosaralyq kelisimniń arqasynda biz táýelsizdik jyldarynda tolaǵaı tabystarǵa qol jetkizdik, - dedi oblys ákimi.
Aımaq basshysy ótken jyldyń bizdiń óńirimizdegi Orys pravoslav shirkeýi úshin mańyzdy oqıǵalarǵa toly bolǵandyǵyn atap ótti.
- Óńirimizdegi pravoslav din ókilderiniń qyzmeti budan ári de rýhanı dúnıemizdi nyǵaıtyp, adamgershilik qundylyqtaryn ýaǵyzdaýǵa baǵyttalady dep senemin, - dedi sóz sońynda N.Ábdibekov.
