Etnosaralyq kelisimdi kúsheıtýdegi medıatsııa ınstıtýttarynyń róli zor - sarapshy

ALMATY. QazAqparat - Almatyda «Etnosaralyq kelisimdi kúsheıtýdegi medıatsııa ınstıtýttarynyń damýy men róli. Halyqta quqyqtyq mádenıetti qalyptastyrý» dóńgelek ústeli ótti, dep habarlaıdy QazAqparat tilshisi.

«Memleket basshysy Nursultan Nazarbaev «100 naqty qadam» Ult josparynda medıatsııa ınstıtýtyn engizip, oryndaý jazbasyn notarıýstardyń toltyrýyna jaǵdaı jasaý kerektigi týraly tapsyrma bergen bolatyn. Bul jıynnyń QR QHA zalynda ótip jatqany tegin emes. QR QHA otyrystarynda tatýlyq, birlik atmosferasy qalyptasqan. QHA medıatsııanyń damýyna qosqan úlesi zor», - dedi Bostandyq aýdanynyń sotynyń tóraǵasy Baıanov Altynbek.

Jıynǵa óńirlik QHA tóraǵasynyń orynbasary Hamedov Abılfas,  etnomádenı birlestikterdiń jetekshileri men músheleri, aýdandyq sot tóraǵalary men sýdıalary, QR Ulttyq bankiniń ókilderi, notarıýstar, qalalyq advokattar alqasynyń advokattary, kásibı jáne kásibı emes medıatorlar, qalalyq kommýnaldyq qyzmetterdiń ókilderi qatysty.

Jıyn barysynda Medıatsııa ınstıtýtynyń etnosaralyq tatýlyqty qamtamasyz etýdegi róli talqylandy.